حالتك الإيمانية .. !!

استعرض الموضوع السابق استعرض الموضوع التالي اذهب الى الأسفل

حالتك الإيمانية .. !!

مُساهمة  Lion في الإثنين 13 أكتوبر 2008, 7:35 pm


يمكن اول موضوع اكتبه هنا .. و اقصد موضوع مش معلومة .. طبعا انا زعلان و حزين ان القسم الديني او المسجد بتاعنا ما فيهوش تفاعل .. و ده طبعا عكس ما اي حد ممكن يخطر في باله .. انه قلة دين .. او بعد عن الله من حرافيشنا السكرة .. طبعا لا .. لان بجد و من غير حاجة .. ماشاء الله انا ملاحظ ان حرافيشنا .. ربنا يزيدهم .. عارفين ربنا .. بس يمكن ما فيش تفاعل في القسم .. عشان القسم و للاسف .. محبط شوية .. او تقليدي اوي .. و ان شاء الله عشان نطوره لازم نطور الطريقة اللي بنتكلم بيها عن دينا و في دينا .. عشان محدش يفهم غلط و يبدأ الهجوم .. استنوا لما تشوفوا التطورات بنفسكم .

دي كانت مقدمة بسيطة .. مالهاش علاقة بالموضوع اللي عايز اتكلم فيه معاكم النهاردة .. و هو الحالة الإيمانية .. كلنا عارفين الحالة النفسية و عارفين الحالة البدنية .. و في الحالة الذهنية .. برضة في الحالة الايمانية ... و عشان نقرب الحوار لو حالتك الذهنية تعبانة .. تبقى اكيد مجنون .. و لو حالتك النفسية تعبانة .. تبقى اكيد معقد .. بس لو حالتك الايمانية .. تعبانة فانت مش كافر .. لا انت بعيد شوية .. فهمت !! .

حالتنا الإيمانية .. اقصد بيها مكانا من حيث قربنا او بعدنا عن ربنا .. يعني لو انت قريب .. حالتك فل و مية مية يا معلم و ربنا يعينك .. و لو انت بعيد .. يبقى محتاج ظبط و الله يعينك برضة .. لكن لازم تعرف انك لو واخد بالك من النقطة دي .. هتعرف كويس .. ان الحالة الإيمانية دي متذبذبة .. ازاي !! .

اقولك .. يعني كل و اي حاجة في الدنيا فيها صعود و هبوط .. Ups & Downs .. صحتك .. حياتك .. حالتك النفسية .. روقانك .. مزاجك .. كل حاجة فيها تذبذب .. حتى كمان ايمانك .. هتلاقي فيه صعود و نزول .. و قبل ما تتخنق مني هفهمك .. اقصد انك يا ريس لو ربنا كارمك اوي و هاديك .. و بتصلي جماعة على طول ماشاء الله .. و تشعر برضا عن نفسك .. كده حالتك الإيمانية تمام و في العالي و ربنا يزيدك كمان و كمان .. و مش معنى انها تذبذب منك .. انك تلاقي نفسك مبتصليش .. لا بتيجي اوقات عليك .. مش قادر تقوم مثلا .. تفوت اول جماعة كده يعني هو ده الهبوط اللي اقصده .

و كل واحد و درجة ايمانه اصلا اد ايه .. لوحده هيعرف حدود التراوح فين .. لو واحد ضعيف اوي .. هتلاقيه شوية يصلي و شوية لا .. واحد نص نص .. شوية في جماعة و شوية لا .. و هلم جرا .. عرفنا بقة يعني ايه الحالة الإيمانية .. طيب تمام .

ليه بقة بنتكلم عنها ؟؟ .. بنتكلم عنها يا حرافيشنا هداكم و هداني الله .. لانه موضوع مهم اوي .. لانك لو امنت بموضوع الحالة الإيمانية ده .. هتعرف تظبط التردد بتاعك بحيث يبقى في افضل المعدلات الادائية دايما .. اقولك ازاي .. يعني مثلا .. لما تعرف امتى حالتك بتبقى فل و مية مية .. و علاقتك بربنا ما شاء الله .. و تعرف برضة .. انت امتى حالتك بتسوء و بتدهور .. و لما تدهور .. بتقعد اد ايه عشان تتظبط .. هتستفيد اوي .. انك يوم ما تنزل منك هتعرف تلم نفسك بسرعة .. عشان وقتك ما يضعش في بعد عن المولى عز و جل .. و الوقت ده محسوب عليك و انت الخسران .

يعني باختصار .. لو اهتميت بانك تدرس حالتك الإيمانية كويس .. هتعرف .. تتعامل صح .. و تحافظ على نفسك .. و تعرف تفوق نفسك لما مؤشراتك الإيمانية تديك انذارات الهبوط .. هتلاقي نفسك بتاخد وقت اقل كل مرة .. عشان ترجع تمام .. لانك عرفت ازاي بترجع .. ربنا يهدينا جميعا .. و يوفقنا للي فيه الخير .. و احب اسمع ارائكم .. و السلام عليكم .

avatar
Lion
Admin

عدد الرسائل : 18
العمر : 32
تاريخ التسجيل : 02/04/2008

معاينة صفحة البيانات الشخصي للعضو http://one4all.allgoo.us

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى